सिके राउत र नेपाल सरकारबीच रहस्यपूर्ण सम्झौता : कमल थापा

सिके राउत र नेपाल सरकारबीच रहस्यपूर्ण सम्झौता : कमल थापा

दाङ । राष्ट्रिय प्रजातन्त्र पार्टीका अध्यक्ष कमल थापाले सिके राउत र नेपाल सरकारबीचमा भएको सम्झौता अत्यन्तै भ्रमपूर्ण, अन्योलपूर्ण र रहस्यपूर्ण भएको बताएका छन्।
 
राष्ट्रिय स्वाभिमान यात्रा अन्तर्गत सुदूरपश्चिमको भ्रमणपछि १३ औं दिन दाङ पुगेका पूर्वउपप्रधानमन्त्रीसमेत रहेका थापाले पत्रकारसँग कुरा गर्दै यस्तो बताएका हुन्। थापाले सुरुमा सिके राउतले विखण्डनको एजेण्डा परित्याग गरेको भनेर प्रचार गरिए पनि राउतको मन्तव्य र सम्झौताको दस्तावेजले कही-कतै पनि राष्ट्र विखण्डनको एजेण्डा परित्याग गरेको नदेखिएको दाबी गरे।

सिके राउतले उठाउँदै आएको राष्ट्र विखण्डनको एजेण्डा जनमतसंग्रहबाट टुंगो लगाउने कुरा सार्वजनिक रुपमा उल्लेख गरेको हुँदा त्यो उनको रणनीतिक चालबाजी भएको राप्रपा अध्यक्ष थापाको तर्क छ। जनकपुरमा सिके राउत पुग्दा राष्ट्र विखण्डनका नाराहरु लगाएको, प्ले कार्ड र ब्यानर बोकेर प्रर्दशन गरिएकोप्रति उनले भर्त्सनासमेत गरेका छन्।

त्यस्तै अध्यक्ष थापाले नेत्रविक्रम चन्द (विप्लव) ले फेरि नँया ढंगले विद्रोह गर्न खोज्नु गलत भएको बताए। उनले आफ्ना राजनीतिक एजेण्डा पुरा गर्नको लागि बन्दुक र हिंसा छोडेर जनताको माझ आउन विप्लवलाई आग्रह गरे।

माग पुरा नभए चैत १ गतेदेखि आन्दोलन

थापाले राप्रपा धर्मनिरपेक्षता गणतन्त्र र संघीयताकै विषयमा पुर्नविचार गरौं भन्ने मागमा रहेको बताउँदै सरकारले आफ्ना माग पुरा नगरे चैत १ गतेदेखि जनसंघर्षमा जाने पनि चेतावनी दिए। उनले राष्ट्रिय अखण्डताको रक्षा, धर्म निरपेक्षताविरुद्धको आन्दोलन भ्रष्टाचारमुक्त समाज र हिंसामुक्त समाजको आन्दोलमा सहभागी हुन उनले सबैलाई आह्वान समेत गरेका छन्। 

२०६२-०६३ को जनआन्दोलनपछि राष्ट्रघाती नागरिकता ऐन ल्याएर सरकारले हजारौं विदेशीलाई नागरिकता दिएको तथा सनातन धर्म र संस्कृतीमाथि आक्रमण गरेको उनले बताए।
 

विवेक खड्का

प्रतिकृया दिनुहोस

सम्बन्धित समाचार

कमल थापाले 'हलो' स्वीकारे हामी 'राप्रपासँगको एकता' स्वीकार्छौं : राप्रपा (संयुक्त)

काठमाडौं । राष्ट्रिय प्रजातन्त्र पार्टी (संयुक्त) का अध्यक्षद्वय पशुपति शम्शेर जबरा र डा प्रकाशचन्द्र लोहनीले कमल थापा नेतृत्वको राप्रपाले हलो स्वीकार

छिमेकीबाट जोगाउन राजसंस्था चाहिन्छ : कमल थापा

काठमाडौं । राष्ट्रिय प्रजातन्त्र पार्टी (राप्रपा) ले विश्व महाशक्तिका रुपमा उदाइरहेका छिमेकी मुलुकबाट जोगाउन नेपालमा राजसंस्थाको आवश्यक बढेको बताएको छ।   ‘मेची-महाकाली

राप्रपाले अब सत्ताका लागि राजनीति गर्दैनः कमल थापा

काठमाडौं । राष्ट्रिय प्रजातन्त्र पार्टी (राजपा)को मेची महाकाली स्वाभिमान यात्रा आज काठमाडौंमा समापन भएको छ । भृकुटीमण्डपमा आयोजित समापन समारोहमा

सिके राउतसँगको सम्झौता डरलाग्दो पनि हुनसक्छः कमल थापा 

महेन्द्रनगर । राष्ट्रिय प्रजातन्त्र पार्टीका अध्यक्ष कमल थापाले सरकार र सिके राउतबीच भएको सम्झौताप्रति आशंंका ब्यक्त गरेका छन् । सहमति