नयाँ दिल्ली । महाराष्ट्रको नवनिर्माण सेना (एमएनएस)का प्रमुख राज ठाकरेले पठानकोट र पुलवामा हमलालाई जोड्दै भारतमा लोकसभाको चुनाव अगाडि अर्को एक पुलवामा जस्तै आक्रमण हुन सक्ने जनाएको बीबीसीले उल्लेख गरेको छ ।
लोकसभाको चुनाव आगामी अप्रिल र मे महिनामा हुँदैछ । उनले एमएनएसको १३ औं वार्षिकोत्सवको अवसरमा भनेका छन्,‘‘मेरो कुरा ध्यान दिएर सुन्नुस् । अबका दुई महिनामा पुलवामामा जस्तै एक अर्को हमला गराइनेछ । ताकि मानिसहरुको ध्यान खास समस्याबाट भड्काएर देशभक्तितर्फ मोड्न सकियोस् ।’’
पुलवामा हमलामा ४६ जना भारतीय सुरक्षाकर्मीको मृत्यु भएको थियो । उनले सत्ताधारी भारतीय जनता पार्टी र मोदी सरकार सबै मोर्चामा नराम्रोसँग असफल भएको जनाउँदै राम मन्दिरको प्रसंगमा पनि असफल भएको आरोप लगाएको बीबीसीले जनाएको छ ।