महेन्द्रनगर । राष्ट्रिय प्रजातन्त्र पार्टीका अध्यक्ष कमल थापाले सरकार र सिके राउतबीच भएको सम्झौताप्रति आशंंका ब्यक्त गरेका छन् । सहमति शंंकास्पद र डरलाग्दो भएको भन्दै उनले सरकारले तत्काल आफ्नो धारणा जनता समक्ष स्पष्ट पार्नुपर्ने बताए ।
मेची–महाकाली राष्ट्रिय स्वाभिमान यात्राको क्रममा कञ्चनपुर आइपुगेका थापाले आज बिहान मिडिया नेपालद्वारा आयोजित पत्रकार सम्मेलनमा राष्ट्रिय अखण्डता, स्वतन्त्रता र सार्बभौमसत्ता जनमत सङ्ग्रह वा आबधिक चुनाब कुनै प्रक्रियाबाट पनि परिवर्तन वा संसोधन हुन नसक्ने जिकिर गरे ।
बिखण्डन परित्याग पहिलो नजरमा स्वागतयोग्य भएता पनि यस संबेदनसील विषयमा सरकारले जनतालाई आश्वस्त पार्नु पार्ने थापाको धारणा थियो ।
सरकार र राउतबीच भएको सम्झौताको भाषा विवादास्पद रहेको थापाको भनाइ छ । देश बिखण्डनको विषय कुनै हालतमा स्वीकार्य हुन नसक्ने भन्दै थापाले एक्कासी रहस्यमय ढङ्गबाट भएको सम्झौता डरलाग्दो पनि हुनसक्ने तर्क गरे ।