काठमाडौं । पूर्वप्रधानमन्त्री बाबुराम भट्टराईले द्वन्द्वकालमा मुद्दामा गम्भीर बन्न र सत्य निरूपण र मेलमिलाप आयोग, बेपत्ता नागरिक छानबिनको काम छ छिटोछिटो टुंग्याउन सरकारलाई अनुरोध गरेका छन् ।

बुधबार संसदमा बोल्दै उनले भने, “सत्यनिरूपण र मेलमिलाप आयोग र बेपत्ता नागरिक छानबिनको काम छ छिटोछिटो गरौँ । फरगिभ एण्ड फरगेटका आधारमा । दुनियाँ कराउँदै गर्छन् । हाम्रो शान्ति प्रक्रिया हामीले ल्याएका हौँ । हामीले आफ्नै ढंगले अन्त्य गरौँ । कसैलाई दण्डित गर्नुछ भने त्यसका निम्ति म तयार छु । किनकि संयुक्त राष्ट्रिय जनपरिषद् नामको छायाँ सरकार थियो, समानान्तर सरकार त्यसको प्रमुख हुनुको नाताले कसैलाई दण्डित गर्न, साँच्चिनै रिस बाँकि छ भने दण्डित गर्नुहोस् । दण्ड बेहोर्न तयार छु । तर, यसलाई टुंगो लगाऔँ । यसले विकास र शान्तिको बाटोमा अवरोध गरेको छ ।”

उनले संसदमा बोलेको जस्ताको तस्तै

द्वन्द्वव्यवस्थापन छिटो गरौँ । सत्यनिरूपण र मेलमिलाप आयोग र बेपत्ता नागरिक छानबिनको काम छ छिटोछिटो गरौँ । फरगिभ एण्ड फरगेटका आधारमा । दुनियाँ कराउँदै गर्छन्, हाम्रो शान्ति प्रक्रिया हामीले ल्याएका हौँ । हामीले आफ्नै ढंगले अन्त्य गरौँ । कसैलाई दण्डित गर्नुछ भने त्यसका निम्ति म तयार छु । किननि संयुक्त राष्ट्रिय जनपरिषद् नामको छायाँ सरकार थियो, समानान्तर सरकार त्यसको प्रमुख हुनुको नाताले कसैलाई दण्डित गर्न, साँच्चिनै रिस बाँकि छ भने दण्डित गर्नुहोस् । दण्ड बेहोर्न तयार छु । तर, यसलाई टुंगो लगाऔँ । यसले विकास र शान्तिको बाटोमा अवरोध गरेको छ । यसलाई गम्भीरतापूर्वक लिऔँ । त्यसको सँगसँगै विभिन्न असन्तुष्त समूहहरू छन् तिनलाई पनि गम्भीरतापूर्वक लिऊँ । खासगरी विप्लव समूहका अत्यन्त भर्भराउँदो खालका नयाँ युवाहरू खटेको देख्दा बडो चिन्ता पनि लागेको छ । त्यसलाई उनीहरू गम्भीर ढंगले लागेका छन् । हामीले बेलैमा समृद्धिको सपना पूरा गर्न सकेनौँ, जनतालाई सुशासन दिन सकेनौँ  भने ज्वाला दन्किएर आउने खतरा म देख्छु । त्यो बाटो ठीक छैन । अहिलेको दुनियाँमा कहीँ पुर्‍याउँदैन । ममा कुनै भ्रम छैन । तर, उनीहरूले रक्तश्राव गरेर यो राज्यलाई ब्लिडङ गरेर कमजोर बनाइराख्ने सामथ्र्य राख्छन् । यसकारण तिनीहरूसँग र तराई–मधेसका संघीयतासँग असन्तुष्ट भएकाले पृथकतावादी कुरा गर्दैछन् तिनीहरूसँग बेलैमा सम्वाद गरेर यसलाई हल गर्नेतिर जाऊँ ।