पोखरा । दिमी दिभिल नामक रसियन नागरिकको प्यारााग्लाइडिङ दुर्घटनामा परेर निधन भएको छ । मंगलबार दिउँसो १२ बजे गोठादीबाट उडान भर्ने क्रममा घाइते भएका उनलाई उपचारको लागि मेट्रोसिटी हस्पिटल ल्याइएको थियो । उपचारकै क्रममा उनको निधन भएको हो । उनी फ्रन्टिएर्स प्याराग्लाइडिङ कम्पनीको अनुमतिमा उडेका थिए ।

आइतबार पनि ४२ वर्षिय रोमानियाली नागरिक एड सिजरको निधन भएको थियो । त्यस्तै सोमबार मादी गाउँपालिकाको वार्ड नं ७ मा दुईजना प्याराग्लाइडर दुर्घटनामा परेका थिए ।