एजेन्सी । इंग्लिस प्रिमियर लिग फुटबलमा आज (आइतबार) राति दुई खेल हुँदैछन् । आज हुने खेलमा दोस्रो स्थानमा रहेको लिभरपुलले एभर्टनसँग प्रतिस्पर्धा गर्दैछ ।
एभर्टनको घरेलु मैदानमा हुने खेल नेपाली समय अनुसार राति १० बजेबाट सुरु हुनेछ । आज हुने खेलमा जित निकाल्दै लिभरपुललाई प्रिमियर लिगको शीर्ष स्थानमा उक्लने मौका हुने छ ।
यसअघि शीर्ष स्थानमा रहेको लिभरपुलाई पछि पार्दै म्यान्चेस्टर सिटीले शीर्ष स्थान ओगटेको थियो । लिभरपुल एभर्टनविरुद्धको खेलमा जित निकाल्दै अंक तालिकाको शीर्ष स्थानमा उक्लने योजनामा छ । यता एभर्टन घरेलु मैदानमा हुने खेलमा जित निकाल्दै अंक तालिका सुधार गर्ने योजनामा हुनेछ ।
लिभरपुल २८ खेलबाट ६९ अंकसहित तालिकाको दोस्रो स्थानमा छ । एक खेल धेरै खेलेको म्यान्चेस्टर सिटी ७१ अंकका साथ अंक तालिकाको शीर्ष स्थानमा छ । त्यस्तै आज नै हुने अर्काे खेलमा चेल्सीले फुल्ह्यामसंग प्रतिस्पर्धा गर्दैछ । फुल्ह्यामको घरेलु मैदानमा हुने खेल नेपाली समयअनुसार बेलुकी ७ः५० बजेबाट सुरु हुनेछ ।
लगातारको खराब नतिजा भोग्दै आएको चेल्सी आजको खेलमा जित निकाल्ने लक्ष्यमा रहने छ । उता फुल्ह्याम घरेलु मैदानको फाइदा उठाउँदै जित निकाल्ने पक्षमा हुनेछ ।