नयाँ दिल्ली । साउदी अरेबियाले आफ्नो देशको जेलमा रहेका ८ सय ५० जना भारतीय नागरिकलाई रिहा गर्ने भएको छ । भारत भ्रमणमा आएका साउदी युवराज मोहम्मद विन सलमानले भारतका प्रधानमन्त्री नरेन्द्र मोदीको अनुरोधमा सो सम्बन्धी सहमति जनाएको भारतीय विदेशमन्त्रालयका प्रवक्ता रबीस कुमारले ट्वीट गर्दै जनाएका छन् ।

भारतीय विदेश मन्त्रालयले हज यात्राका क्रममा साउदी अरेबिया जाने भारतीयहरुलाई समेत आवश्यक सहयोग गर्ने र २ लाख जनासम्मको कोटा बढाउने वचन दिएको जनाएको छ ।  साउदी राजकुमार भारत भ्रमण सकेर आजबाट चीनको भ्रमणमा जाँदैछन् भने भारतीय प्रधानमन्त्री मोदी दक्षिण कोरियाको भ्रमणका लागि आज बिहान सिउल पुगेका छन् ।

(हिन्दूस्तान टाइम्स तथा विदेश प्रवक्ताको ट्वीटबाट)