विराटनगर । पहिलो नेपाल आइडलका फाइनलिष्ट गायक प्रताप दासले मोरङमा पहिलो पटक आफ्नो प्रस्तुति दिएका छन् । पथरी आइपुगेका दासले दर्शकलाई आफ्नो सुमधुर स्वरको जादुसँगै छमछमी नचाएका छन् ।
पथरीमा अवस्थित रेडियो रिदम ९९.७ मेघाहर्जले आयोजना गरेको सिजी नेपाल आइस साँझ २०७५ मा सहभागी हुन दास मंगलबार साँझ मोरङ आएका थिए । 
दासको गायनमा मग्न भई नाच्ने मात्र नभई उनीसँग सेल्फी खिच्नेको भींड पनि थेगिनसक्नुको थियो । ‘‘मलाई माफ गरिदेउ’’बोलको गती गाउँदै स्टेज उक्लिएका दासले ‘‘भमरा फुलको रसैमा पर्खि बस मायाले मुङ्गीमा म आउछु रात्री बसैमा....... “तिम्रो स्वरमा स्वर मिलाई.......”, “फूल हैन काँडा काँडै बाटो हिडौंला ....” “अलिकति जोस......”  “पल पल यो आँखाले........”, “हेर्दा राम्रो माछापुच्छ्रे .......”, “मोटरसाइकलमा......”, गुराँस फुल्यो.....” र ‘तालको पानी‘’गीत गाए । सबै गीतमा दर्शक छमछमी नाचेका थिए ।
सिजी नेपाल आइस बियरको प्रायोजक सम्पन्न कार्यक्रममा थप मनोरन्जन दिन हास्य विधाका गायक श्रीकृष्ण लुइँटेलको पनि प्रस्तुति रह्यो । गीतमा मग्न भएका दर्शकस्रोतालाई ‘बोकादाह्री’ कलाकार लुइँटेलले पेट मिचिमिची हँसाए । उनले साना बालबालिकालाई स्टेजमा लगेर “ए बा किन्देउन भट्टभटे......”, “मुखमा हान्नु जस्तो......”, “बाँके बर्दिया.....,  “साली कमला...., “डल्लेको बहिनीले बोलको गीत सुनाए ।