काठमाडौं । प्रधानमन्त्री केपी शर्मा ओलीले आज मंगलबार र भोलि बुधबार सुदूरपश्चिमका विभिन्न जिल्लामा हुने कार्यक्रममा सहभागिता जनाउने भएका छन् ।
प्रधानमन्त्री ओली मंगलबार धनगढी हुँदै डडेलधुराको स्याउलेमा रहेको विद्युत् सव स्टेशनको उद्घाटन कार्यक्रममा सहभागी भएको र डोटीको विपी नगरमा सहजपुर–बोक्टान सडकको शिलान्यास गर्ने कार्यक्रम रहेको प्रधानमन्त्रीको निजी सचिवालयले जनाएको छ ।
यसैगरी भोलि बुधबार सुदूरपश्चिम प्रदेशसभाको बैठकलाई बिहान ९ बजे सम्बोधन गर्ने कार्यक्रम रहेको जनाइएको छ । भोलि नै दिउँसो नेपाल कम्युनिस्ट पार्टी (नेकपा)का सुदूरपश्चिम स्तरीय कार्यकर्तालाई सम्बोधन गर्ने कार्यक्रम रहेको बताइएको छ ।