काठमाडौं । साताको पहिलो दिन आइतबार सेयर बजारमा नेप्से परिसूचकमा गिरावट आएको छ । आइतबार नेप्से ३.१५ अंकले घटेर बन्द भएको हो ।
आतबार नेप्से घटेर ११०९.७२ अंकमा कायम हुँदा सेन्सिटिभ इन्डेक्स ०.७६ अंकले घटेको छ । यसदिन कारोबार सुरु भएको आधारघन्टासम्म बढेको नेप्सेमा त्यसयता सुधार कायम हुन नसक्दा परिसूचक घटेको हो । अन्त्यमा केही सुध्रिन खोपनि नेप्सेमा खासै परिर्तन आएन ।
नेप्से घटेको दिन यसदिन बजारमा कारोबार रकम पनि न्यून रह्यो । दिनभर बजारमा १ सय ७३ कम्पनीका सवा ८ लाख कित्ता सेयर २१ करोड ७ लाख रुपैयाँमा मात्र कारोबार भए । तीमध्ये सबैभन्दा बढी कारोबार प्रभु बैंकको भयो । बैंकको १ करोड ९० लाख रुपैयाँ बराबरको सेयर किनबेच भए ।
यसदिन समूहगत उपसूचकमा तीन समूह बढेका छन् भने आठ समूहको उपसूचक घटेको छ । घट्नेमा जीवन बीमा समूह सर्वाधिक ५३.७५ अंकले घट्यो । आइतबार चौतारी लघुवित्तको सेयर मूल्य ९.८७ प्रतिशतले बढ्दा कञ्चन डेभलपमेन्ट बैंकका सेयरधनीले सर्वाधिक ६.८ प्रतिशत गुमाए ।