काठमाडौं । बिग बास लिगको उपाधि नेपाली युवा बलर सन्दीप लामिछाने सम्मिलित टिम मेलबर्न स्टार्सलाई १३ रनले हराउँदै मेलबर्न रेनेगेट्सले जितेको छ । मेलबर्न रेनेगेट्सले दिएको १४६ रनको लक्ष्य पछ्याउने क्रममा मेलबर्न स्टार्सले निर्धारित २० ओभरमा ७ विकेटको क्षतिमा १३२ रनमात्रै बनाउन सक्यो । मेलबर्न स्टार्सका लागि बेन डुङकले ५७ र स्टोइनीसले ३९ रन बनाएपनि हार टार्न सकेनन् । 
त्यसअघि टस हारेर पहिले व्याटिङ गरेको मेलबर्न रेनेगेट्सले निर्धारित २० ओभरमा ५ विकेटको क्षतिमा १४५ रन बनाएको थियो । मेलबर्न रेनेगेट्सका लागि टम कुपरले ४३ रन र डेनियल क्रिसीयनले ३८ रन बनाएका थिए । 
विग बासको सेमीफाइनल र फाइनलमा भने नेपाली स्टार बलर सन्दीपले विकेट लिन सकेनन् । फाइनलमा सन्दीपले ४ ओभरमा १६ रन खर्चेर कसीलो बलिङ गरेपनि विकेट लिन सफल भएनन् । त्यसअघि सन्दीपले ७ खेलमा ६.९७ को औषतमा ११ विकेट लिएका थिए । उनले उत्कृष्ट बलिङ भने ११ रन खर्चेर ३ विकेट लिनु थियो । सुरुवाती ४ खेलमा सन्दीपको प्रर्दशन उत्कृष्ठ रहेपनि पछिल्ला ४ खेलको प्रर्दशन भने औषत थियो ।