काठमाडौं । जल तथा मौसम पूर्वानुमान महाशाखाका अनुसार आज देशको प्राःय स्थानमा मौसम सामन्यतया सफा रहने छ । पश्चिमी र पूर्वी पहाडी भेगका एक दुई स्थानमा अपरान्ह पछि मेघ गर्जन सहित छिटफुट वर्षाको संभावना रहेको महाशाखाले जनाएको छ ।
आज राति देशभर मौसम सामान्यतया सफा रहने तर पश्चिमी पहाडी भेगमा आंशिक बदलीको संभावना रहेको जनाइएको छ । पश्चिमी पहाडी भेगका एक दुई स्थानमा मेघगर्जन सहित हल्का वर्षाको संभावना रहेको पूर्वानुमान महाशाखाले जनाएको छ ।
भोलि सोमबार दिउँसो देशको पश्चिमी भुभाग लगायत पूर्वी तथा मध्य पहाडी भूभागमा आंशिक वदली रहने र बाँकी भूभागमा मौसम सामान्यतया सफा रहने जनाइएको छ । देशको पश्चिमी पहाडी भूभागका थोरै स्थान र मध्य एवं पूर्वी पहाडी भेगका एक दुई स्थानमा मेघ गर्जन सहित हल्का वर्षाको सम्भावना रहेको जनाइएको छ । देशका पश्चिमी उच्च पहाडी र हिमाली भेगहरूमा हल्का हिमपातको सम्भावना रहेको पूर्वानुमान महाशाखाले उल्लेख गरेको छ ।
सोमबार राति देशको पश्चिमी भूभागमा सामान्य देखि पूर्ण वदली रहने तथा मध्य र पूर्वी पहाडी भूभागमा आंशिक बदली रहने जनाइएको छ । पश्चिमी भूभागका केही स्थानहरुमा तथा मध्यका केही स्थानमा हल्का वर्षाको संभावना रहेको पूर्वानुमान महाशाखाले जनाएको छ । देशका उच्च पहाडी र हिमाली भेगहरूमा हल्का हिमपातको सम्भावना रहेको बताइएको छ ।
त्यसैगरी फागुन ७ गते मंगलबार दिउँसो देशको पश्चिमी भेगमा सामान्य बदली रहने र अन्य भूभागमा आंशिक बदली रहने जनाइएको छ । पश्चिमी भेगका केही स्थानमा हल्का वर्षाको संभावना रहेको र मध्य र पूर्वी पहाडी भेगका थोरै स्थानमा हल्का वर्षा हुने जनाइएको छ ।
देशका उच्च पहाडी र हिमाली भेगहरूमा हल्का हिमपातको सम्भावना रहेको पूर्वानुमान महाशाखाले जनाएको छ । मंगलबार राति देशको पश्चिमी भेगमा आंशिक बदली रहने तथा अन्यत्र मौसम सामान्यतया सफा रहने जनाइएको छ ।
