भुवन र अनमोल एउटै गीतमा !

साहित्य

बाह्रखरी शनिबार, फागुन ४, २०७५

काठमाडौं । नेपाली चलचित्र उद्योगका सुपर स्टार भुवन केसी र मेगा स्टार भनिने अनमोल केसी एउटै गीतमा देखिएका छन् । चलचित्र ‘क्याप्टेन’को गीतमा बाबु छोरा एकै साथ देखिएका हुन् । ‘कर्ली कर्ली कपाल’ बोलको गीतको भिडियोमा निरुता सिंह पनि छिन् ।

लोकलयको गीतमा मेलिना राई र एसडी योगीको स्वर छ । एसडी योगी र सुशान्त गौतमको संगीत रहेको गीत रचना हर्क साउद र मनिष ढकालले गरेका हुन् ।

शुक्रबार रिलिज गरिएको गीतले १८ घण्टा नपुग्दै ५ लाख भ्युज पाइसकेको छ भने ट्रेन्डिङमा चढ्न सुरु गरिसकेको छ ।

चलचित्र ‘क्याप्टेन’मा अनमोल केसी मुख्य भूमिकामा छन् । उनी राष्ट्रिय फुटबल टोलीको टिम क्याप्टेनका रुपमा देखिँदैछन् । चलचित्रमा अनमोलसँगै उपासना सिंह ठकुरी, प्रियंका एमभी, सुनिल थापा, प्रशान्त ताम्राकार, विल्सन विक्रम राईलगायतको पनि अभिनय छ ।