काठमाडौं । केन्द्रीय अनुसन्धान व्युरो (सीआईबी)को टोलीले कञ्चनपुरबाट १८ किलो सुनसहित दुईजनालाई पक्राउ गरेको छ । पक्राउ पर्नेको नाम खुलाइएको छैन । सुन कहाँबाट आयो र कसको हो भन्नेमा प्रहरी अनुसन्धान केन्द्रित रहेको एक प्रहरी अधिकारीले बताए । 
पछिल्लो दुई वर्षयता यति ठूलो परिमाणमा प्रहरीले सुन समातेको हो । एक प्रहरी अधिकारीले भने, ‘‘अनुसन्धानकै क्रममा छौं । सुनका मालिकको खोजी गरिरहेका छौं ।’’ बाह्रखरीलाई स्रोतले दिएको जानकारी अनुसार सुनका मालिक भारतीय नागरिक भएको बताइएको छ । पछिल्लो समय नेपालमा सुन तस्करी घटेको बताइएको बेला ठूलो परिमाणमा सुन समातिएको हो ।
बरामद भएको सुन १ सय ८ टुक्रा रहेको प्रहरी स्रोतले जनाएको छ ।  

सांकेतिक तस्बिर