नेपाल र होन्डुरसका नागरिकद्वारा अमेरिकामा ट्रम्प प्रशासनविरुद्ध मुद्दा दायर

नेपाल र होन्डुरसका नागरिकद्वारा अमेरिकामा ट्रम्प प्रशासनविरुद्ध मुद्दा दायर

काठमाडौं । नेपालीसहित अप्ठेरोमा परेका विभिन्न देशका नागरिकलाई अमेरिकाले उपलब्ध गराउँदै आएको टेम्पोररी प्रोटेक्टेड स्ट्याटस (टीपीएस) प्रणाली अमेरिकाले खारेज गरेको सन्दर्भमा नेपाल र होन्डुरसका केही आप्रवासीले अमेरिकी अदालतमा मुद्दा दायर गरेका छन् ।

एशोसिएट प्रेस (एपी) ले जनाएअनुसार दुई देशका ६ जनाले सान फ्रान्सिस्कोस्थित संघीय अदालतमा सोमबार यससम्बन्धी मुद्दा दर्ता गरेका हुन् । 

मुद्दा दर्ता गर्नेमा अमेरिकामानै जन्मेका दुईजना बच्चासमेत रहेका छन् । सन् २०१५ को भूकम्पपछि अप्ठेरोमा परेका नेपाली नागरिकलाई अमेरिकाले टीपीएस अन्तर्गत सहज रुपमा अमेरिका जाने मौका दिएकोमा नेपालीका लागि दिइएको सो सुविधा जुन २०१९ बाट अमेरिकाले रद्ध गरेको थियो । 

होन्डुरसकालाई भने सन् १९९९ बाट त्यहाँको आँधीका कारण दिइएको सुविधा जनवरी २०२० देखि सकिने जनाइएको छ ।  दुई देशका आप्रवासीले अमेरिकी अदालतमा दायर गरेको मुद्दामा अमेरिकी नीतिले जातीय विभेदलाई बल पुर्याएको दाबी गरिएको छ । सो सुविधा पाउने देशका नागरिकले अमेरिकामा बस्न र काम गर्न पाउँथे ।

अमेरिकाले पछिल्लो समयमा आएर सम्बद्ध देशको अवस्थामा सुधार आएको भन्दै टीपीएसको नीति खारेज गरेको थियो । 

यद्यपि यसअघि परेको एउटा मुद्दामा त्यहाँको अदालतले एलसाल्भाडोर, हैटी, निकारागुवा र सुडानका करिब ३ लाख मानिसलाई दिइएको सो सुविधा रोक्ने अमेरिकी प्रशासनको नीतिलाई निस्तेज गरिदिएको थियो । तर गएको अक्टोबरमा भएको सो आदेशमा होन्डुरस र नेपालका कैयौं मानिसहरु भने परेका थिएनन् । सोमबार दर्ता गरिएको मुद्दामा टीपीएस सुविधा अन्तर्गत अमेरिकामा बस्ने नेपाली र होन्डुरसका नागरिकको संख्या ५० हजार भन्दा बढी भएको जनाइएको छ । ती मध्ये थुप्रै विद्यालय पढ्ने केटाकेटी रहेको दाबी गरिएको छ । 

त्यस्तो सुविधा लिने नेपालीको संख्या करिब १५ हजार रहेको बताइएको छ ।

प्रतिकृया दिनुहोस

संबन्धित समाचार

भेनेजुएलाका अधिकारीसँग भेटवार्ता भएको अमेरिकीद्वारा पुष्टि

वासिङ्टन । अमेरिकी विदेश मन्त्रालयले अमेरिकी नागरिकको सुरक्षाका विषयमा भेनेजुएलाका वरिष्ट अधिकारीसँग भेटवार्ता भएको जनाएको छ । भेनेजुएलाका लागि अमेरिकी

अफगान राष्ट्रपति र अमेरिकी सेनाका कमाण्डर भेट, शान्ति वार्ताबारे छलफल

काबुल । अफगान राष्ट्रपति असरफ घानीसँग बुधबार अमेरिकी सेनाको केन्द्रीय कमाण्डका उच्च पदाधिकारीले भेटवार्ता गरेका छन् । अमेरिकी सेनाका कमाण्डर

कुकुरलाई किन प्राथमिकतामा राख्छन् अमेरिकी राष्ट्रपति उमेदवारहरु !

एजेन्सी । २०२० को अमेरिकी राष्ट्रपति चुनावमा उमेदवारी दिनेको भीड अहिले नै बढिसकेको छ । जसमा अधिकांशले राष्ट्रपति ट्रम्पका कमजोरी

हैटीमा हतियारसहित ५ अमेरिकी पक्राउ,  राष्ट्रपति र प्रधानमन्त्रीविरुद्धको आन्दोलन चर्किँदै

हैटी । हैटीमा ५ जना अमेरिकी नागरिकसहित विदेशीहरु पक्राउ परेका छन् । हैटीका विदेशमन्त्री मोचिट इडमन्डका अनुसार अवैध हतियारसहित उनीहरुलाई