काठमाडौं । पूर्वप्रधानमन्त्री एवं नेपाली काङ्ग्रेसका पूर्वसभापति सुशील कोइरालाको तेस्रो स्मृति दिवसको अवसर पारेर सुशील कोइराला मेमोरियल फाउन्डेसनले देवघाटस्थित महेश संन्यास आश्रमलाई १ लाख रुपैयाँ सहयोग गरेको छ । डा. शशाङ्क कोइराला अध्यक्ष रहेको यस संस्थाको तर्फबाट सदस्यसचिव अतुल कोइरालाले आश्रमलाई सहयोग राशि हस्तान्तरण गरेका थिए । देवघाटधाममा माघ २२ गतेदेखि जारी रहेको देवघाटधाम विराट ज्ञान महायज्ञमा सो रकम हस्तान्तरण गरिएको विद्यार्थी नेता सुशान्त आचार्यले जानकारी दिए । पूर्वप्रधानमन्त्री कोइरालाको धार्मिक क्षेत्रमा पनि अत्यन्त आस्था रहेको कारण संस्कृत शिक्षा र गुरुकुलको प्रवर्धनका लागि सो रकम हस्तान्तरण गरिएको सदस्यसचिव कोइरालाले जानकारी दिए ।