काठमाडौं । साताको दोस्रो दिन नेप्से परिसूचक सामान्य बढेको छ । सोमबार धितोपत्र बजारमा नेप्से परिसूचक १.३४ अंकले बढेर ११२८.८६ अंकमा पुगेको हो ।
कारोबार सुरु भएको केही समय घटेर बढेको बजार त्यसपछि मन्द हुँदा दिनभर ०.१२ प्रतिशतले बढेको हो । यसदिन सेन्सिटिभ इन्डेक्स पनि ०.१९ अंकले बढेर २४०.४ अंकमा कायम भयो ।
नेप्से बढेको दिन बजारमा कारोबार रकम भने घटेको छ । पछिल्लो समयदेखि निरन्तर घन थालेको कारोबार रकमका यसदिन पनि गिरावट आयो । लगानीकर्ता सेयर खरीदबिक्रीमा कम आकर्षिक देखिँदा बजारमा २० करोड २७ लाख रुपैयाँको मात्र सेयर किनबेच भए ।
यसक्रममा १ सय ६६ कम्पनीका ६ लाख ८७ हजार कित्ता सेयर कारोबारमा आए । तीमध्ये सबैभन्दा बढी अपर तामाकोशी हाइड्रो पावरको सेयर किनबे भए । तामाकोसीको १ करोड ४० लाख रुपैयाँ बराबरको सेयर किनबेच भए ।
नेप्से बढ्दा कारोबारमा आएका बैंकिङ र उत्पादनमूलक समूहबाहेक सबै समूहका उपसूचक बढेका छन् । तीमध्ये सबैभन्दा बढी जीवन बीमा समूह २४.४२ अंकले बढेको हो ।
नेप्से बढ्दा चौतारी लघुवित्त वित्तीय संस्थाका सेयरधनीले सर्वाधिक कमाए । कम्पनीको सेयर मूल्य ९.८९ प्रतिशतले बढ्दा बरुण हाइड्रोका लगानीकर्ताले सर्वाधिक ३ प्रतिशत सेयर मूल्य गुमाए ।