काठमाडौं । घरेलु टोली धनगढी स्टारर्समाथि ४ विकेटको रोमान्चक जित निकाल्दै काठमाडौं गोल्डेन्सले तेस्रो संस्करणको धनगढी प्रिमियर लिग क्रिकेटमा विजय सुरुआत गरेको छ । 

१३३ रनको लक्ष्य एक बल बाँकी रहँदै भेटाउएपछि काठमाडौं गोल्डेन्सले विजय सुरुआत गरेको हो । काठमाडौं गोल्डेन्सको जितमा अंकित डाबसले २९ रन बनाए । गौरब तमोरले २८ रन बनाउँदा अनिल शाहले २४, बिक्रम भुषालले अविजित १४ तथा मेहबुब आलमले १२ रन बनाए । धनगढीका लागि रोहन मुस्तफाले ४ विकेट लिएपनि टोलीलाई जिताउन सकेन् । मुस्तफाका साथैं अमिर हायत र बिपिन खत्रीले १–१ विकेट लिए । 

यसअघि फाप्ला क्रिकेट मैदानमा पहिला ब्याटिङ गरेको धनगढीले निर्धारित ओभरमा ५ विकेटको क्षतिमा १ सय ३२ रन बनाएको थियो । धनगढीका लागि अमित श्रेष्ठले अर्धशतक बनाउँदा सन्दीप रजाइलीले २८,सौरभ खनालले अविजित २५ रन बनाउँदा सुनिल धमाला ३ तथा रोहन मुस्तफा रनआउट भएका थिए । वर्षाले मैदान हिलाम्यभएपछि डीपीएलका खेलबाट आजबाट सुरु भएको हुन् । अर्को खेलमा महेन्द्रनगर युनाइटेड र रुपन्देही च्यालेन्जर्सबीच प्रतिस्पर्धा हुनेछ ।