फ्लोरिडा । अमेरिकाको फ्लोरिडा राज्यस्थित एउटा नगरकी कमिसनरले पुरुष सहकर्मीलाई यौनजन्य दुर्व्यवहार गरेको आरोपमा पदबाट राजीनामा दिनु परेको छ । उनले नान्सी वकली नामकी ती कमिसनरले पुरुष सहकर्मीलाई भेटेपछि हातले जथाभावी समाउनुका साथै अनुहारमा जथाभावी चुम्बन गर्ने गरेको आरोप लागेको छ ।
उनले गएको मंगलबार पदबाट राजीनामा दिएकोमा बिहीबार साँझ उनको राजीनामा स्वीकृत गरिएको छ । यही २०१९को मार्च सम्म उनको कार्यकाल रहेको थियो । उनी स्थानीय मडेरिया बीच नगरकी कमिसनर थिइन् । उनलाई स्थानीय लोकल कमिसन अफ इथिक्सले ५ हजार डलर जरिबाना तिराउने निर्णय गरेको छ ।
नगरका म्यानेजर जोनाथन इभान्सले बिहीबार साँझ बोलाएको बैठकमा कमिसनरको राजीनामा स्वीकृत गर्ने निर्णय गरिएको थियो । आफ्नो राजीनामा पत्रमा ओकलीले भने आफू निर्दोष रहेको र आफूले पुनरावेदन गर्ने बताएकी छन् ।
विवाद आएका कारण आफूले राजीनामा दिने अप्ठेरो निर्णय गरेको बताएकी छन् ।
सन् २०१७को फेब्रुअरी महिनामा नगरका म्यानेजर शान क्रफोर्डले वकलीले आफू र डेभ मार्सिकानोलाई यौन दुर्व्यवहार गरेको आरोप लगाएका थिए । सन् २०१२को फिसिङ्ग टुर्नामेन्टका क्रममा पनि उनले दुर्व्यवहार गरेको आरोप लगाइएको छ । उनले सार्वजनिक स्थानमा नै मादक पदार्थ सेवन गरेर आफूभन्दा जुनियर स्टाफलाई त्यस्तो हर्कत गर्ने गरेको आरोप लगाइएको छ ।
एक जना स्टाफले त पत्नीसँग भएकै बेलामा उनले जथाभावी चुम्बन गरेको र झगडा नै परेको समेत बताएका छन् । आफ्नो हाकिम भएकाले उनीविरुद्ध जान पनि अप्ठेरो भएको उनीहरुको भनाई रहेको छ । (एजेन्सी) ।