काठमाडौं । यूनाइटेड अरब इमिरेट्स (यूएई)विरुद्धको दोस्रो ट्वान्टी–२० अन्तर्राष्ट्रिय क्रिकेटमा १ सय ८ रनको लक्ष्य पछ्याएको नेपालका ओपनर पारस खड्का पहिलो बलमै आउट भएका छन् ।

पारसलाई यूएईका कप्तान मोहम्मद नाभीदले शाइमन अनवरमाफर्त क्याच गरेका थिए । प्रदीप अर्का ओपनर प्रदीप ऐरी पनि ८ रन बनाएर पवेलियन फर्किएका छन् । प्रदीपलाई अमिर हायतले मुहम्मद उस्मानमार्फत क्याच गरेका थिए । 

त्यसअघि टस जितेर पहिले ब्याटिङ गरेको यूएईले १९.२ ओभरमा सबै विकेट गुमाएर १ सय ७ रन बनाएको थियो । घरेलु टोलीका सीपी रिजवानले ४४ रन बनाए । शाइमन अनवरले १४ तथा मोहम्मद बूताले ११ रन बनाउनुबाहेक अन्यले दोहोरो अंकमा रन बनाउन सकेनन् ।

नेपालका अभिनास बोहराले ३ विकेट लिँदा सोमपाल कामी, सन्दीप लामिछाने र करण केसीले समान २÷२ विकेट लिए ।