काठमाडौं । रेनो डस्टर आरएक्सएस नेपाली बजारमा सार्वजनिक भएको छ । रेनोको नेपालका लागि आधिकारिक वितरक एड्भान्स अटोमोबाईल प्रालिले डस्टर आरएक्सएस नेपाल भित्र्याएको हो ।
नक्सालको स्टेट अफ द आर्ट शोरुममा मंगलबार एक कार्यक्रम गरि रेनो डस्टर आरएक्सएसको बिक्रीवितरण सुरु भयो । फ्रान्सेली अटोमोबाइल निर्माताले केडब्लूआईडीको सहकार्यमा २०१६ देखि नेपाली बजारमा रेनो डस्टरको बिक्रीवितरण सुरु गरेको थियो ।
रेनो डस्टर आरएक्सएस पेट्रोल भेरियन्टमा उपलब्धरहेको छ । यसमा स्मार्टफोन भ्वाइस पहिजान प्रणाली, यूएसबी र अक्स इन कनेक्टीभिटी र ७ इन्चको टच स्क्रिनइन्फोटेन्मेन्ट कम्प्याटिबल ब्लुटुथ जडान गरिएको छ । यसको साथै आरएक्सएस संस्करणमा ड्युअल एयरब्याग, एबीएस, हिल एसिस्ट, इन्जिन मोबिलाइजर, सेन्ट्रल लकिङ, चाइल्ड सेफ्टी लक, पावर डोर लक, गन मेटल फिनिस सिङ्गल ह्वीललगायतका फिचर रहेका छन् । यसमा स्टिरिङ अडियो र फोन नियन्त्रण गर्ने, गियर रिडिङ ल्याम्प र जीपीएस नेभिगेसनजस्ता विशेषता रहेको छ । डस्टर आरएक्सएस संस्करण १.५ डीसीआई इन्जिनद्वारा सञ्चालित छ जसले ८५ एचपीपावर र २०० एनएम टर्क जेनेरेट गर्छ ।
यस संस्करणमा एयर कन्डिसनर, हिटर, स्टेरिङ एडजस्टमेन्ट, स्टेरिङ माउन्ट अडियो, पावर सप्लाई पोर्ट, रियर आर्मरेस्ट, इलेक्ट्रीकल्ली एडजस्टेवल रियर भ्यू मिरर लगायतका विशेषता पनि छन् ।
डस्टर एक्सआरएसमा अगाडि डिस्क ब्रेक र पछाडि ड्रम ब्रेक रहेको छ र अलोय ह्वीलसमेत रहेको छ । डस्टर एक्सआरएस भरपर्दो, विश्वाशीलो पहुँच योग्य प्रिमियम एसयूभी हो । यसमा उत्कृष्ट इन्जिनियरिङ, स्टाइल, सुरक्षा र सुलभ तथा आरामदायी सुविधा समावेश गरिएको कम्पनीले जनाएको छ ।
