काठमाडौं । चलचित्र ‘रणवीर’ को रोमान्टिक गीत ‘मायामा...’ सार्वजनिक गरिएको छ । पोखरा तथा आसपासका मनोरम दृश्यमा छायाँकन गरिएको गीतमा हर्कुलस बस्नेतको शब्द तथा संगीत छ । गीतमाहर्कुलस र प्रविशा अधिकारीले स्वर दिएका छन् । गीतलाई गम्भीर विष्टले कोरियोग्राफ गरेका हुन् ।

गीतमा चलचित्रका दुई कलाकार सुशील सिटौला र सुवेक्षा खड्का फिचर्ड छन् । गीतलाई ओएसआर डिजिटल मार्फत सार्वजनिक गरिएको हो ।

माघ १८ गतेबाट प्रदर्शनमा आउने चलचित्रमा सुशील र सुवेक्षासँगै सुपुस्पा भट्ट, प्रशान्त ताम्राकार, टिका पहाडी, नरेश पौडेल, रवी गिरी, भोलाराज सापकोटा, शैलेश्वरी सिंह लगायतको अभिनय छ । 

लेखन तथा निर्देशक गोविन्द सिंह भण्डारीको रहेको चलचित्रलाई गोमा बिस्ट थापा र दिपेन्द्र रेग्मीले संयुक्त रुपमा निर्माण गरेका हुन् । चलसचत्रमा माया, मित्रता र बदलाको कथालाई प्रस्तुत गरिएको छ ।