काठमाडौं । ग्लोबल आइएमई बैंकले राजधानीमा वित्तीय साक्षरता जगाउने उद्देश्यले प्रभातफेरी कार्यक्रमको आयोजना गरेको छ । ‘बचत गरौं’ भन्ने मूल नाराका साथ काठमाण्डौंमा आयोजना गरिएको प्रभातफेरी कार्यक्रममा बैंकका अध्यक्ष चन्द्रप्रसाद ढकाल, सञ्चालक समितिका सदस्यहरु, प्रमुख कार्यकारी अधिकृत लगायत कर्मचारीको सहभागिता रहेको थियो ।
प्रभातफेरी बैंकको कान्तिपथ शाखादेखि सुरु भएर दरबारमार्ग, घण्टाघर, रत्नपार्क, शहिदगेट, न्यूरोडगेट, वीर हस्पिटल, जमल हुँदै पुनः कान्तिपथ शाखामा नै आएर समापन गरिएको थियो । बैंकले १२ औं वर्ष पूरा गरेको अवसरमा विभिन्न कार्यक्रमको अयोजना गरेको हो ।
बैंकले काठमाण्डौं उपत्यकामा मात्र नभएर बिराटनगर, लाहन, नारायणघाट, बुटवल, पोखरा, नेपालगञ्ज, लगायतका स्थानमा पनि प्रभातफेरि कार्यक्रमको आयोजना गरेको थियो । बैंकले यसअघि रक्तदान एवम् निःशुल्क मधुमेह परिक्षण कार्यक्रमको आयोजना गरिसकेको छ ।