काठमाडौं । ग्लोबल आइएमई बैंकले १३औँ वर्षमा प्रवेश गरेको अवसरमा विभिन्न कार्यक्रमको अयोजना गरेको छ । यसै अवसरमा बैंकले आज राजधानीमा वित्तीय साक्षरता जगाउने उद्धेश्यले प्रभातफेरी कार्यक्रमको आयोजना गरेको छ । 

“बचत गरौँ” भन्ने मूल नाराका साथ काठमाडौँमा आयोजना गरिएको प्रभातफेरी कार्यक्रममा बैंकका अध्यक्ष चन्द्रप्रसाद ढकाल, संचालक समितिका सदस्यहरु, प्रमुख कार्यकारी अधिकृत लगायत उपत्यकामा कार्यरत कर्मचारीहरुको उल्लेख्य सहभागिता थियो । प्रभातफेरी बैंकको कान्तिपथ शाखादेखि सुरु भएर दरबारमार्ग, घण्टाघर, रत्नपार्क, शहिदगेट, न्यूरोडगेट, बीरहस्पिटल,जमल हुँदै पुनः कान्तिपथ शाखामा नै आएर समापन गरिएको थियो ।