काठमाडौं । धनगढी प्रिमियर लिग (डीपीएल) मा ब्याट्सम्यानले प्रहार गरेको छक्का क्याच गर्ने दर्शकले १० हजार रुपैयाँ नगद पुरस्कार पाउने आयोजक धनगढी क्रिकेट एकेडेमीले जनाएको छ ।
बिहीबार आयोजक धनगढी क्रिकेट एकेडेमी (डिसिए) र अजोड इन्स्योरेन्स लिमिटेडबीच विमा सम्झैता भएको छ । बिहीबार भएको सम्झौता पत्रमा आयोजकका तर्फबाट एकेडेमीका अध्यक्ष सुवाश शाही र अजोड इन्स्योरेन्सका तर्फबाट प्रमुख कार्यकारी अधिकृत (सिइओ) कुमारबहादुर खत्रीले हस्ताक्षर गरे । यससँगै अजोड इन्स्योरेन्स प्रतियोगिताको ‘अफिसियल इन्स्योरेन्स पार्टनर’ बनेको छ ।
सम्झैतामा प्रतियोगिताका खेलाडी अफिसियल र दर्शक विमा अजोड इन्स्योरेन्सले गर्ने आयोजकले जनाएको छ । त्यसका साथै प्रतियोगितामा ब्याट्सम्यानले हानेको छक्का प्रहार क्याच गर्ने दर्शकलाई दश हजार रुपैयाँ नगद पुरस्कार दिने सम्झैता भएको आयोजक धनगढी क्रिकेट एकेडमीले जनाएको छ ।
डीपीएलमा धनगढी स्टार्स, महेन्द्रनगर युनाइटेड, सिवाइसी अत्तरिया, विराटनगर किंग्स, रुपेन्देही च्यालेन्जर्स र काठमाडौं गोल्डेन्स गरि ६ वटा फ्रेन्चाइजी टोलीले प्रतिस्पर्धा गर्नेछ ।
