काठमाडौं । सिद्धार्थ गौतम बुद्धले सत्यको खोजीको लागि निस्केको २ हजार ५ सय ३४ वर्षपछी पहिलोपटक वुद्धिष्ट सर्किट यात्रा हुने भएको छ । तिलौराकोट दरबारको पूर्वीद्वारबाट मानवजातिको दुःख निवारण गर्न निस्कोको २५ सय वर्षपछि असार शुल्क पुर्णिमाका दिन पहिलो वुद्धिष्ट सर्किट हुने भएको हो ।

सर्किट यात्रा तिलौराकोट दरबार भग्नावशेषको पूर्वीद्वारबाट शुरु हुँदैछ । सिद्धार्थ गौतमको झल्को दिने यात्रा वुद्धिष्ट सर्किट डटकमका अध्यक्ष विक्रम पाँडेकाजीले घोषणा गरेका हुन् ।

यात्रामा सहभागीहरु लुम्बिनी–कपिलवस्तु क्षेत्रका वौद्ध सम्पदाको भ्रमण पछी बेलहिया नाकाबाट भारत प्रवेश गर्नेछन् र उत्तर प्रदेशको कुशिनारा, बिहार राज्यको वैशाली, नालन्दा, राजगिर र बोधगया हुँदै उत्तरप्रदेश राज्यको कुशीनगर भ्रमण गरेर पुन लुम्बिनी फर्कनेछन् ।

यो भ्रमण प्याकेजले ५ अर्ब बौद्ध धर्मालम्बीको यात्रा सहज बनाउने अपेक्षा लिइएको छ । वुद्धको जीवनमा पूर्णिमाको ठूलो महत्व भएको हुँदा असारदेखि प्रत्येक पूर्णिमाको दिन वुद्धिष्ट सर्किट यात्रा चलाउने पाँडेले बताए ।

आठ रात, नौ दिनको यात्रा बसमा सञ्चालन हुनेछ भने बाहिरी कुशिनारा, राजगिर, बोधगया, सारनाथ–वाराणासी, कुशीनगर, तथा लुम्बिनीमा होटलमा हुनेछ । यात्राले लुम्बिनी–कपिलवस्तु क्षेत्रमा पर्यटकको बसाइ लम्ब्याउने, स्थानीयहरुलाई आय–आर्जनको मौका सिर्जना गर्ने र सञ्चालनको तयारीमा रहेको लुम्बिनी अन्तर्राष्ट्रिय बिमानस्थलको प्रबद्र्धन गर्ने पनि पाँडेले बताए ।