काठमाडौं । तारादेवी स्मृती फाउन्डेशनले माघ ९ गते ‘सम्झनामा तारा देवी’ कार्यक्रमको आयोजना गर्ने भएको छ । सोमबार संवाद चौतारीमा पत्रकार सम्मेलन गरी स्वरकिन्नरी तारादेवी श्रेष्ठको १३ औँ पुण्य स्मृति पारेर ९ गते राष्ट्रिय सभागृहमा कार्यक्रम गर्न लागेको जानकारी दिएको हो ।
कार्यक्रमको लागि ५ सदस्यीय नयाँ कार्यसमिति सार्वजनिक गरिएको छ । कार्यसमीतीमा संरक्षक रवि श्रेष्ठ, अध्यक्ष दिपक केसी, उपाध्यक्ष भुवन चन्द, महासचिव सोभन सैंजु र कोषाध्यक्षमा रमेश थापा छन् ।
संस्थाका अध्यक्ष्य दिपक केसीले कलाकार देशका गहनाको रुपमा राखिए पनि कलाकारहरुले आफ्नो दैनिक गुजारा गर्न समेत कठिन भएकोे बताए । कार्यक्रममा ज्ञानु राणा, मिरा राणा, संगीता शाक्य लगायतले तारादेवीका गीतहरु प्रस्तुत गर्ने बताइएको छ ।