बेइजिङ । चीनको अर्थतन्त्र सन् २०१९मा उचित खालको बृद्धि दर रहेको चीनको तथ्यांक सम्बन्धी व्यूरोका प्रवक्ताले बताएका छन् । सरकारी मुखपत्र ग्लोबल टाइम्सले सोमबार जनाएअनुसार चीनको आर्थिक बृद्धिदर सन् २०१८मा ६ दशमलब ६ प्रतिशत रहेको थियो । त्यो बृद्धिदर चीनको वार्षिक लक्षभन्दा थोरै बढी भएको जनाइएको छ ।
सरकारीस्तरबाट आर्थिक बृद्धिदर ६ दशमलब ५ प्रतिशत मात्रै बृद्धि हुने अपेक्षा गरिएको थियो । ‘‘हामीलाई आशा छ चीनको आर्थिक बृद्धिदर सन् २०१९मा पनि सुहाउँदिलो हुनेछ’’ राष्ट्रिय तथ्यांक व्यूरोका प्रमुख निङ जीझेले बताए ।
चीनको कूल ग्रार्हस्थ उत्पादन विश्वका ५ वटा प्रमुख अर्थतन्त्र मध्येमा १ नम्बरमा रहेको चीनको दाबी रहेको छ । जसले विश्वको ३० प्रतिशत अर्थतन्त्रमा योगदान गरिरहेको जनाइएको छ । चीनको अर्थतन्त्र सन् २०१८को पहिलो चौमासिकमा ६ दशमलब ७ प्रतिशतले बढेकोमा पछिल्लो चौथाईमा ६ दशमलब ४ प्रतिशत बृद्धि भएको जनाइएको छ ।