काठमाडौं । प्रमुख प्रतिपक्षी दल नेपाली कांग्रेसका सांसदहरुले अवरोध सिर्जना गरेपछि संसद बैठक माघ ८ गते (मंगलबार) सम्मका लागि स्थगित भएको छ । दोस्रो पटक बसेको बैठकमा पनि कांग्रेस सांसदहरुले अवरोध यथावत राखेपछि सभामुख कृष्णबहादुर महराले संसद् बैठक माघ ८ गते सम्मका लागि स्थगित गरेका हुन् । 

उनले संसदको अर्को बैठक माघ ८ गते दिउँसो ३ वजे बस्ने बताए । १५ मिनेटका लागि स्थगित गरिएको बैठक दोस्रो पटक सुरु भएसँगै कांग्रेसका सांसदहरुले उभिएर विरोध गरेका थिए । उनीहरुले चिकित्सा शिक्षा विधेयक सहमतिमा पारित गरिनुपर्ने माग राखेका छन् ।