हाम्रो देश नेपाल
अरुभन्दा बेस
प्रकृतिको देश
यस्तै छ हाम्रो भेष ।
पासाङ, छिरि जस्ता जन्मिए यहि देशमा
अमर भई उनीहरु मरे यहि देशमा
नेपाल हाम्रो देशलाई चम्काइदिए विदेशमा
अरुलाई जगाइदिए उत्साहको जोशमा ।
वीर सहिदहरु पनि छन् यही देशमा
वीर योद्धाहरु पनि छन् यहि देशमा
नेपालको नाम संसारभरि फैलाउने
व्यक्ति पनि छन् यही देशमा ।।
विद्यालय जाउँ
वसन्तराज अधिकारी
आजका हामी कोपिला भोलि फूल भइ फुल्नेछौ
फूल फुली यो देशमा ज्ञानको ज्योति छर्नेछौ
धेरै धेरै पढ्नलाई स्कुल सधैं जानेछौं
धेरै पढी यो देशमा विकास हामी गर्नेछौ ।
नपढेको मानिसलाई पढ्न हामी भन्नेछौ
दुःखी मानिसहरुको सेवा हामी गर्नेछौ ।
यो देशका कर्णधार हामी सबै विद्यार्थी हौं
त्यसैले आजदेखि पढ्न लेख्न विद्यालय जाऊँ ।
हँस्यौली
पहिलो साथी – तिम्रो अनुहार हेर्दा त पहिलेका मानिस बाँदर थिए जस्तो लाग्छ ।
दोस्रो साथी – तिम्रो अनुहार हेर्दा त अहिलेका मानिस बाँदर हुन् कि जस्तो लाग्छ ।
–––
गुरु – के वन–जङ्गलको हावा स्वस्थकर हुन्छ ?
विद्यार्थी – हुन्छ, सर !
गुरु – कसरी ?
विद्यार्थी – सर, मैले आजसम्म जङ्गली जनावर अस्पताल गएको देख्या छैन ।
–––
रमेश – जुनसुकै मान्छेले मलाई जेसुकै भनून्, तर म त्यसको आधा मात्र विश्वास गर्छु ।
कैलाश – त्यसो भए तपाई के हो ?
रमेश – म वकिल हुँ ।
कैलाश – मचाहिं जुनसुकै मान्छेले जेसुकै भनुन्, त्यसको दुईगुणा गर्छु ।
रमेश – त्यसोभए तपाईंचाहिँ को हो त ?
कैलाश – म कर अधिकृत हुँ ।
(बाह्रखरी डट कम अनलाइन पत्रिका तथा हातेमालो संचार काठमाडौंको सहकार्यमा प्रस्तुत बाल सामग्री)