काठमाडौं । चिकित्सा शिक्षा सुधारलगायत माग राखेर ९ दिनदेखि इलाममा १६ औं सत्याग्रहमा रहेका प्राडा गोविन्द केसीको स्वास्थ्य उपचारका लागि बिपी कोइराला स्वास्थ्य विज्ञान प्रतिष्ठान धरानले ६ सदस्यीय विशेषज्ञ टोली आज बिहीबार इलाम पुगेको छ ।
स्वास्थ्य तथा जनसंख्या मन्त्रालयमा ईलाम अस्पतालले हरेक दिनको डा. केसीको स्वास्थ्य अवस्थाको बारेमा जानकारी गराउँदै आएको थियो । सोहि अनुसार उपप्रधान एवम् स्वास्थ्य तथा जनसंख्या मन्त्री उपेन्द्र यादवको निर्देशनमा प्रतिष्ठानका सहायक निर्देशक डा. विकास शाहको नेतृत्वमा कार्डियोलोजिष्ट, इमर्जेन्सी, फिजिसियन, ल्याब टेक्निसियन, नर्सलगायतको टोली इलाम पुगेको हो । आवश्यक सामग्री साथ आएका छौ भन्ने केही दिन यहि बसेर डा. केसीलाई उपचार सेवा दिने टोलीका सदस्य डा. शाहको बताए ।
बुधबार गएको टोलीले पनि डा. केसीको स्वास्थ्य परीक्षण गएको थियो । केसीको स्वास्थ्य अवस्था स्थिर भएकाले जुनसुकै समयमा आईसीयू र एनआईसीयू आवश्यक भएको र त्यो सेवा इलाममा नभएकाले सुविधासम्पन्न अस्पतालमा लगेर उपचार गनुपर्ने सुझाव दिएर टोली फर्किएको थियो । डा. केसीको उपचारमा संलग्न इलाम अस्पतालका डा. विजेन्द्रकुमार शाहले डा. केसीको मुटुको चालमा गडबडी, शरिरमा अक्सिजनको मात्रा कम, शरीरमा पानी कम आदि समस्या रहेको बताएका छन् ।