एजेन्सी । टोटेनह्यामले घरेलु मैदानका रुपमा प्रयोग गरेको वेम्बली रंगशालाको दर्शक क्षमता बढाउनका लागि स्वीकृति पाएको छ । वेन्ट काउन्सिलले टोटेनह्यामलाई पाँच ‘होम गेम’ का लागि ६२ हजार दर्शक क्षमता र थप च्याम्पियन्स लिगको ‘होम गेम’ का लागि ९० हजार दर्शक क्षमताका लागि सहमति दिएको हो । प्रिमियर लिगमा वार्डफोर्ड, न्युक्यासल युनाइटेड र लेष्टर सिटीविरुद्ध खेलका लागि भने टोटेनह्यामले ५१ हजार दर्शकमाझ खेल्नुपर्नेछ ।
टोटेनह्यामले जनवरीको शुरुमै आफ्नो घरेलु रंगशाला ह्वाइट हर्ट लेन तयार हुन ढिलाई हुने जनाइसकेको छ । टोटेनह्यामका प्रमुख ड्यानिल लेभीले रंगशाला निर्माणमा भएको ढिलाईप्रति माफी मागेका थिए । 
पुरानो तालिकाअनुसार टोटेनह्याम सेम्टेम्बरमै आफ्नो रंगशालामा फर्किसक्नु पर्ने थियो । तर निर्माण कार्यमा भएको ढिलाईले टोटनह्यामलाई ह्वाइट हर्ट लेनमा फर्किन अझै केही समय लाग्नेछ ।