देश
काठमाडौं । प्रहरीले शान्तिनगर स्थित सुकुम्बासी टोलबाट चोरीका विभिन्न सामान सहित ६ जनालाई पक्राउ गरेको छ ।
पक्राउ पर्नेमा नुवाकोट घर भई शान्तिनगर स्थित सुकुम्बासी बस्ने १८ वर्षीय शशि तामाङ, सर्लाही करथवा घर भएका १८ वर्षीय सरोज मगर, २३ वर्षीय सुमन कलवार, काठमाण्डौ जोरपाटी बस्ने १८ वर्षीय अजय मगर, रामेछाप घर भई ललितपुर ईमाडोल बस्ने २५ वर्षीय भानु मगर र सर्लाही घर भई काठमाण्डौ गैरीगाँउ बस्ने २४ वर्षीय सुमन माझी रहेका छन् ।
महानगरिय प्रहरी वृत नयाँबानेश्वरको प्रहरी टोलीले उनीहरुको कोठाबाट चोरी गरेका सुनको मंगलसुत्र १.५ तोला,दुई थान ल्यापटप, विभिन्न कम्पनीको १७ थान मोबाइल लगायतका सामाग्री बराद गरेको छ ।
प्रकाशित मिति: बिहीबार, माघ ३, २०७५ १५:४६
प्रतिक्रिया दिनुहोस्