काठमाडौं । चलचित्र ‘मिराज’ बाट गुरुलामा कार्की नेपाली रजतपटमा डेब्यू गर्ने भएका छन् । कार्की चलचित्रको मुख्य भूमिकामा देखिने छन् । 

निर्माता तथा कलाकार प्रकाश सुब्बाको निर्माण चलचित्र ‘मिराज’ नयाँ वर्षको छेको पारेर वैशाखमा देशभर एकै साथ रिलिजको तयारीमा छ । 

चलचित्र ‘मिराज’ले कथा बस्तुलाई ‘सस्पेन्स’ राखेको छ । “यो चलचित्रमा अहिलेसम्म कसैको ध्यान नपुगेको फरक किसिमको कथा बस्तु छ,” चलचित्रका नायक गुरु भन्छन्, “फिल्म एक पटक हैन पटकपटक दोहोर्याएर हेर्ने खालको छ ।”

चलचित्रले आम नेपाली समाज र चरित्र बोल्ने भएकाले आफ्नो रोजाइमा चलचित्र क्षेत्र परेको उनले बताए । धरानबाट अध्ययन सकेर चलचित्रमा अरिअर खोज्न काठमाडौं आइपुगेका उनले भने, “मिराजबाट म औपचारीक रुपमा कला क्षेत्रमा प्रवेश गर्दैछु । यो पहिलो फिल्मले नै मलाई चिनाउने र स्थापित गराउने मेरो विश्वास छ ।”

‘मिराजमा’ नायिकाको भूमिकामा रुवी आचार्य छिन् । उनको पनि यो डेब्यू मुभी हो । चलसचत्रमा अशोक चेमजोङ, सरोज केसी, तिर्थ याक्सो, शिशिर सुबेदी, केशब रायमाझि, दिनेश कोइराला लगायत कलाकारको अभिनय छ । 

चलचित्र प्रकाश सुब्बाले निर्देशन गरेका छन् ।