बीबीसी । अमेरिकाको हवाई प्रान्तकी सांसद तुलसी गबार्डले सन २०२० मा हुने राष्ट्रपति निर्वाचनमा उमेदवारी दिने तयारी गरेकी छिन् । ३७ वर्षिया तुलसीको नाम सन् २०१६ मा सम्पन्न राष्ट्रपति निर्वाचनमा हिलेरी क्लिन्टनको स्थानमा बर्नी सेन्डर्सलाई समर्थन गर्ने अमेरिकाको डेमोक्रेटिक पार्टीका नेताहरु मध्यमा पर्दछ ।
सन् २०१६ मा उनी डेमोक्रेटिक नेशनल कमिटमा उपाध्यक्ष थिइन् । तर सेन्डर्सको समर्थन गरेपछि उनले पदबाट राजीनामा दिएकी थिइन् । १९८१ मा अमेरिकाको समोआमा जन्मिएकी तुलसीले २१ वर्षकै उमेरमा अमेरिकामा सबैभन्दा युवा निर्वाचित प्रतिनिधि बनेर इतिहास रचेकी थिइन ।
भारतसँगको साइनो
स्टेट सीनेटर माइक गबार्डकी छोरी तुलसीले पहिलोे कार्यकालमा ‘क्लिन इनर्जी’ लाई बढावा दिँदै हावा र सौर्य उर्जाका लागि आवश्यक उत्पादनमा कर छुट पाइने कानुन निर्माणमा समर्थन गरेकी थिइन् ।
त्यसपछि तुलसी गबार्डले हवाई आर्मी नेशनल गार्ड सर्भिसमा सहभागी भएर इराक युद्धमा सेवा दिएकी थिइन् । यसका साथै उनले २०११ मा इन्डोनेसियाली सेनाका साथ ‘पिस कीपिङ ट्रेनिङ’ मा पनि भाग लिएकी थिइन् ।
२०१५ मा अमेरिकी सेनामा मेजर पद हासिल गर्न सफल तुलसी अहिले पनि सेनासँग नै जोडिएकी छिन् । उनले अमेरिकी राष्ट्रपति पदका लागि उमेदवारी दिने इच्छा व्यक्त गरेसँगै भारतमा उनको नाम ट्विटरमा ‘ट्रेण्डिङ’ भइरहेको छ ।
तर साइनोको कुरा गर्दा तुलसीको भारतसँग कुनै नाता–सम्बन्ध छैन् । उनका आमा–बुवा भारतीय मूलको होइनन् । हिन्दु धर्मावलम्बी भएक कारण तुलसी गबार्डलाई अमेरिकामा बस्दे आएका भारतीय समुदायको समर्थन भने मिल्दै आएको छ ।
तुलसीको नाम अमेरिकी संसदमा पुग्ने पहिलो हिन्दुको रेकर्ड छ । गत वर्ष अमेरिकी न्यूज च्यानलको एक कार्यक्रममा गरिएको हिन्दु विरोधी टिप्पणीमाथि उनले कडा विरोध गरेकी थिइन् ।