काठमाडौं । नेपालका यदुवंशीहरुको एकता गर्ने उदेश्यका साथ गोपाल सेवा समितिले उपत्यका कार्यसमिति गठन गरेको छ । शनिबार संघीय राजधानीमा एक समारोहकाबीच गोपाल सेवा समितिले काठमाडौं उपत्यकामा बसोबास गरिरहेका विभिन्न पेशाका यदुवंशीहरुको उपस्थितीमा २१ सदस्यीय कार्यसमिति गठन गरेको हो ।
शनिबार सम्पन्न भेलाले चयन गरेको २१ सदस्यीय कार्यसमितिका अध्यक्ष, उपाध्यक्ष र सचिवमा क्रमशःकमलकुमार यादव, मञ्जुकुमारी यादव र विजय यादव छन् ।
यसैगरी कोषाध्यक्षमा अम्बिका यादव, सह–कोषाध्यक्षमा राजेश प्रसाद यादव, सह–सचिवमा सुजितकुमार यादव, महिला सदस्यहरुमा अञ्जुला यादव र सुनिताकुमारी यादव रहेका छन् । सदस्यहरुमा नन्दकिशोर यादव, एमपी यादव, सुशिलकुमार यादव, शिवशंकर यादव, अरुण कुमार यादव र सुकदेव यादव रहेका छन् ।
त्यसैगरी, सल्लाहकारमा श्यामकिशोर यादव, विनोद कुमार यादव, उमेश यादव, सत्यनारायण यादव र राजेश कुमार यादव रहेका छन् ।
स्वास्थ्य तथा जनससंख्या राज्यमन्त्री डा. सुरेन्द्र यादवको समेत उपस्थितिमा नयाँ कार्यसमितिको पदभार तथा सपथ ग्रहण कार्यक्रम सम्पन्न भएको प्रेषित वक्तव्यमा उल्लेख छ । कार्यक्रममा विभिन्न पेशामा आवद्ध रहेर उपत्यकामा बस्दै आएका १ सय ५० भन्दा बढि यदुवंशीहरुको उपस्थिती रहेको जनाइएको छ ।
कार्यक्रममा पूर्वमन्त्री डा.डम्बरनारायण यादव, डा.सुरेन्द्र यादव र रेखा यादवको समेत सहभागिता रहेको थियो ।
