विदेश
बग्दाद । इराकको राजधानी बग्दादको उत्तरी भागमा रहेको एक सुरक्षा चौकीलाई लक्षितगरी आइतबार बिहान गराइएकोे एक आत्मघाती आक्रमणमा मृत्यु हुँने व्यक्तिको संख्या २१ पुगेको छ ।
काधिमियाको प्रवेशद्वारमा भएको आक्रमणमा विस्फोटक पदार्थ बोकेको एक आत्मघाती आक्रमणकारीले आक्रमण गर्दा दुई प्रहरी अधिकारी सहित २१ जनाकोे मृत्यु भएको नाम गोप्य राख्ने शर्तमा एक प्रहरी अधिकारीले बताए । यस आक्रमणमा परी अन्य ३५ इराकी नागरिक घाइते भएका छन् ।
यसअघि आइतबार नै इराकबाट प्राप्त समाचारमा १४ जनाको मृत्युभएको र २९ जना घाइलत भएका जनाइएको थियो ।
आक्रमणको इराकमा सक्रिय इश्लामिक स्टेट आर्इएसको एक समूहले जिम्मेवारी लिएको छ ।
यस महिनाको सुरुमा मध्यबग्दादको कारादा जिल्लामा आइएस आतङ्ककारी समूहले गरेको आत्मघाती आक्रमणमा २९२ व्यक्तिको मृत्यु भएको थियो ।
राजधानी बग्दादको उत्तर भागमा पर्ने बलाद क्षेत्रमा आक्रमणगरी ४० व्यक्तिको हत्या गरेको केही दिनपछाडि पुनः यो आक्रमण भएको छ । रासस/सिन्ह्वा
प्रकाशित मिति: सोमबार, साउन १०, २०७३ १२:३४
प्रतिक्रिया दिनुहोस्