एक महिनाकै नाफाले निगमको हालसम्मको सबै घाटा मिलान हुने, कहिले घट्ला इन्धनको मूल्य ?

एक महिनाकै नाफाले निगमको हालसम्मको सबै घाटा मिलान हुने, कहिले घट्ला इन्धनको मूल्य ?

काठमाडौं । नेपाल आयल निगम (एनओसी)को १५ दिनको नाफा बढेर १ अर्ब ३३ करोड रुपैयाँ पुगेको छ । पुस १७ गते भारतीय आयल निगमबाट एनओसीले प्राप्त गरेको नयाँ मूल्य सूचीअनुसार नेपाली बजारमा इन्धनको मूल्य समायोजन गरेपछि निगमको मासिक अनुमानित नाफा २ अर्ब ६७ करोड २२ लाख रुपैयाँ पुगेको हो ।
निगमले पेट्रोलियम पदार्थमा प्रतिलिटर २–२ रुपैयाँले घटाए पनि नाफा भने उल्टै बढेको छ । अघिल्लो पाक्षिक अवधिमा निगमको नाफा ८८ करोड रुपैयाँ रहेको थियो । त्यसो त चालु आवको विगतका केही महिनाहरुको अन्तर्राष्ट्रिय बजारमा पेट्रोलियम पदार्थको मूल्य उच्चतम विन्दुमा पुगी निगमलाई अत्यधिक घाटा भएको थियो । चालू आवको पुस १६ सम्म निगमको कूल २ अर्ब ३७ करोड २५ लाख रुपैयाँ घाटा रहेको छ ।
यसको अर्थ आउने १५ दिनको अनुमानित नाफाका आधारमा निगमको घाटा एक महिनाभन्दा कम समयमा मिलान हुन्छ । निगमले आउने दिनमा आफूलाई केही सहज हुने देखिएको हुनाले इन्धनको मूल्यमा केही गिरावट आउने जनाएको छ ।
यसैबीच निगमले बिहीबार रातिदेखि लागू हुने गरी आन्तरिकतर्फ हवाई  इन्धनको मूल्य घटाएको छ । निगमले साबिकको बिक्रि  मूल्य प्रति लिटर १ सय ४ रूपैयाँ ५० पैसामा प्रतिलिटर १० रूपैयाँका दरले घटाई प्रतिलिटर ९४ रूपैयाँ ५० पैसा कायम गरेको छ । हवाइ मूल्य समायोजन गरेपछि निगमले नाफामा केही कमी आउने जनाएको छ ।
अन्तर्राष्ट्रिय बजारमा पेट्रोलियम पदार्थको मूल्यमा पुनः केही कमी आएको र अमेरिकी डलरसँग नेपाली मुद्रा पनि केही बलियो भएको कारणले गर्दा फर्मुला बमोजिम पेट्रोल तथा डिजेल र मट्टितेलको मूल्य पछिल्लो केही समयदेखि घटिरहेको छ । विविध अन्तर्राष्ट्रिय घटनाक्रमहरुको कारणले गर्दा अन्तर्राष्ट्रिय बजारमा पेट्रोलियम पदार्थको मूल्य घट्ने र बढ्ने प्रवृत्ति जारी नै देखिएको हुँदा सोही बमोजिम आगामी दिनमा पनि मूल्य समायोजन हुँदै जाने निगमले जनाएको छ ।
यता स्वतः सञ्चालित मूल्य समायोजन प्रणालीअनुसार एकै समयमा ठूलो अन्तरले मूल्य बढाउन तथा घटाउन नहुने भएकाले मूल्यमा ठूलो फरक नआएको निगमको दावी छ ।
निगमलाई पेट्रोलमा प्रतिलिटर १४ रुपैयाँ ७३ पैसा नाफा, डिजेलमा प्रतिलिटर ११ रुपैयाँ ३१ पैसा नाफा र  एलपी ग्यासमा प्रतिसिलिन्डर ८० रुपैयाँ ६९ पैसा घाटा छ । अघिल्लो पटक मूल्य समायोजन गर्दा निगमलाई पेट्रोलमा १३ रुपैयाँ ७१ पैसा नाफा, डिजेलमा प्रतिलिटर ९ रुपैयाँ ८५ पैसा नाफा र  एलपी ग्यासमा प्रतिसिलिन्डर २ सय ८४ रुपैयाँ ८३ पैसा घाटा थियो ।
निगमले अबलम्बन गर्ने स्वतः सञ्चालित मूल्य प्रणालीद्वारा कायम नयाँ मूल्य सूचीअनुसार काठमाडौंको नयाँ खुद्रा बिक्रीमूल्य पेट्रोल प्रतिलिटर १ सय ८ रुपैयाँ तथा डिजेल र मट्टितेल प्रतिलिटर ९५ रुपैयाँ रहेको छ ।
यस समायोजन पश्चात् भारतको रक्सौल भन्दा नेपालको वीरगन्जतर्फको सिमा मूल्य अझै सस्तो छ । वीरगञ्जमा पेट्रोल भारतभन्दा १० रुपैयाँ ४१ पैसा प्रतिलिटर तथा डिजल १२ रुपैयाँ ३८ पैसा प्रतिलिटर सस्तो छ ।
 


प्रतिकृया दिनुहोस

संबन्धित समाचार

वायुसेवा निगममा बेथिति–चार जहाज उडाउन एक क्याप्टेन

काठमाडौं । सरकारी वायुसेवा कम्पनी नेपाल वायुसेवा निगमसँग आन्तरिक उडान गर्न चीनमा निर्मित १७ सिट क्षमतायुक्त चारथान जहाज छन् ।

एप्पल मात्र होइन सामसङ पनि घाटामै छ !

एजेन्सी । व्यापारिक घाटाको सामना गर्ने कम्पनीमा अहिले सामसुङको नाम पनि परेको छ । दक्षिण कोरियाली कम्पनी सामसुङले मंगलबार दिएको

एक महिनाकै नाफाले निगमको हालसम्मको सबै घाटा मिलान हुने, कहिले घट्ला इन्धनको मूल्य ?

काठमाडौं । नेपाल आयल निगम (एनओसी)को १५ दिनको नाफा बढेर १ अर्ब ३३ करोड रुपैयाँ पुगेको छ । पुस १७

ओली–प्रचण्डले विश्वास गर्नुभयो, काम गरेर देखाउँछु– निगम प्रमुख पौडेल

काठमाडौं । नेपाल आयल निगमका कार्यकारी निर्देशक सुरेन्द्र कुमार पौडेलले नेकपाका अध्यक्षद्वय केपी शर्मा ओली र पुष्पकमल दाहाल ‘प्रचण्ड’ले आफूलाई