काठमाडौं । सामाजिक कथामा आधारित हास्यप्रधान चलचित्र ‘चौक दाउ’ आजबाट रिलिज भएको छ । देशभरका ७ दर्जनभन्दा बढी सिनेमा हलमा चलचित्र रिलिज भएको निर्माण पक्षले जनाएको छ ।
“माघे सक्रान्तीको अवसर पारेर हामीले चौका दाउ रिलिज गरेका हौं । यो फिल्मले दर्शकलाई दुई घन्टासम्म पुरा हँसाउने छ,” चौका दाउका परिकल्पनाकार शम्भुजीत बासकोटाले भने, “कमेडी जानराको यो चलचित्रले सामाजिक सन्देश पनि दिनेछ ।”
सौर्यजीत बासकोटा र मनोज राजभण्डारीको निर्माण चलचित्रलाई पुर्णेन्दु झाले निर्देशन गरेका छन् ।
चलचित्रमा सन्तोष पन्त, रविन्द्र झा, विल्सन विक्रम राई, तैयव शाह, अजश्र ढुँगाना र वर्षा राउत मुख्य भूमिकामा छन् ।
अन्य कलाकारमा निर्मल शर्मा, श्याम राई, रमेश अधिकारी, शिवशंकर रिजाल लगायत छन् ।