दाङ । प्रशेद ५ का मुख्यमन्त्री शंकर पोखरेलले माघीलाई सद्भावको पर्व बनाउनुपर्ने वताएका छन् । बिहीबारदेखि दाङको घोराहीमा सुरु भएको प्रदेशस्तरिय माघी महोत्सवको उद्घाटन गर्दै मुख्यमन्त्री पोख्रेलले माघी थारु र मगर समुदायको मात्रै नभई सम्पूर्ण नेपालीहरुको पर्व हो भएको उल्लेख गर्दै यसलाई समाजमा सद्भाव कायम गर्ने पर्वका रुपमा मनाउनु पर्न वताए ।

प्रदेश ५ बहुसांस्कतिक पहिचान बोकेको प्रदेश भएको भन्दै मुख्यमन्त्री पोखरेलले सबै समुदायको सहयोगमा मात्रै उत्कृष्ठ प्रदेश बनाउन सकिने वताए । प्रदेश ५ बहुसांस्कतिक पहिचान बोकेको प्रदेश भएको भन्दै उनले सबै संस्कृतिको जघेर्ना गरी यो प्रदेशलाई मुलुककै उत्कृष्ट प्रदेश बनाउन सकिने धारणा राखे ।

यसका लागी प्रदेश सरकारले विशेष योजना बनाएको वताए । प्रदेश सरकारको योजनालाई सफल बनाउन सबै लाग्नुपर्दछ उनले भने । 

प्रदेश ५ को बहुसंख्यक जनताहरु थारु र मगर समुदायको रहेको स्मरण गर्दै मुख्यमन्त्री पोख्रेलले यी दुवै समुदायले आफूहरुलाई आधुनिकीकरण गर्नुपर्ने वताए । प्रदेश सरकारले समृद्ध प्रदेश सुखी जनता कार्यक्रम लागु गरेको बताउँदै उनले मिहिनेती थारु र मगर समुदायको जीवनस्तर माथि नउकास्दासम्म प्रदेश सरकारको कार्यक्रम सफल नहुने हुँदा दुवै जातिले आफूलाई आधुनिकीकरण गर्नुपर्ने वताए । 

आगामी १० वर्षभित्र प्रदेश ५ का जनताहरुको प्रतिव्यक्ति आय रु १ हजार १२ अमेरिकी डलर पुर्याउने लक्ष्यका साथ प्रदेश सरकार लागिपरेको भन्दै मुख्यमन्त्री पोखरेलले यसका लागि पनि तराईको थारु समुदाय र पहाडको मगर समुदायले आफ्नो परम्परागत खेती प्रणालीलाई आधुनिकीरण गर्नुपर्ने वताए ।
 
थारु कल्याण कारिणी सभा दाङको आयोजनामा सुरु भएको माघी महोत्सवमा पश्चिम नेपालका ६ जिल्लाका थारु संस्कृति प्रस्तुत हुने कार्यक्रम छ ।