'कुर्सीका लागि राजनीति गरेको होइन, भ्रष्टाचार समाप्त पार्छु'

'कुर्सीका लागि राजनीति गरेको होइन, भ्रष्टाचार समाप्त पार्छु'

काठमाडौं । संस्कृति, पर्यटन तथा नागरिक उड्डयनमन्त्री रवीन्द्र अधिकारीले नेपाल वायुसेवा निगमलाई डुबाउने खेलको रूपमा वाइडबडी भ्रष्टाचार प्रकरण आएको बताएका छन् । वाइडबडी प्रकरणमा उठेका प्रश्नको जवाफ दिन आयोजित पत्रकार सम्मेलनमा मन्त्री अधिकारीले नेपाल वायु सेवा निगम डुबाउन धेरै पहिल्यैदेखि खेल भइरहेको बताउँदै त्यसैको कडीका रूपमा वाइडबडीमा अनियमितताको कुरा उठाइएको दाबी गरे । 
“मैले कुर्सीका लागि राजनीति गरेको होइन । जनताबाट म्यान्डेड पाएर जिम्मेवारीमा छु,” उलने भने, “अस्थायी रूपमा म यो कुर्सीमा छु ।”
उनले आफू जतिबेला पनि जवाफदेही हुने भन्दै वाइडबडीका सन्दर्भमा संसदीय समितिहरू, उपसमिति र न्यायिक समितिले जाँचबुझ गरिरहेकाले हतारोमा निष्कर्ष निकाल्नु नहुने बताए ।
उनले कतिपय निजी एयरलाइन्सले निगम डुब्दामात्रै आफ्नो भविष्य उज्यालो देखेकाले यो सबै भइरहेको र यसबाट आफू कत्ति पनि विचलित र हतोत्साही नभएको बताए ।
२९ वर्षपछि दुईवटा वाइडबडी ल्याएर अन्तर्राष्ट्रिय उडानको ग्राफ उकालो चढाएको भन्दै उनले रणनीतिक साझेदार ल्याएर निगमको भविष्य अझै उज्यालो बनाउने दाबी गरे । 


प्रतिकृया दिनुहोस

सम्बन्धित समाचार

कास्की–२ मा विद्यालाई उम्मेदवार बनाउने नेकपाको संकेत

पोखरा । आइतबारमात्रै बाह्रखरीसँगको कुराकानीमा स्व. रवीन्द्र अधिकारी पत्नी विद्या भट्टराईले तत्कालै उम्मेदवार बन्नेतर्फ नसोचेको बताएकी थिइन् । त्यसको भोलिपल्टै

‘शुभयात्रा नभनेको त्यो दिन’

चिप्लेढुङ्गा (रासस) । “म जहाँ जाँदा पनि उहाँलाई शुभयात्रा भनेर बिदाइ गर्थेँ, त्यही दिन मात्र मलाई शुभयात्रा भन्ने अवसर मिलेन,