देश
काठमाडौं । नेपाल वायुसेवा निगमका महाप्रबन्धक सुगतरत्न कंसाकारलाई कालोमोसो दलेको आरोपमा मोहन वैद्य नेतृत्वको माओवादीका युवा नेता पक्राउ परेका छन् । महानगरीय अपराध महाशाखाको टोलीले चन्द्रागिरी नगरपालिका–४ बस्ने ३७ वर्षीय सुरेश तामाङलाई थानकोट पानीधाराबाट पक्राउ गरेको हो ।
तामाङ वैद्य नेतृत्वको माओवादी निकट क्रान्तिकारी युवा लिगका केन्द्रीय सचिवालय सदस्य हुन् । वाइडबडी खरिदमा भ्रष्टाचार गरेर राज्यलाई हानी पुर्याएको भन्दै शुक्रबार वैद्य माओवादीका कार्यकर्ताले कार्यकक्षमै कंसाकारमाथि कालोमोसो दलेका थिए । महाशाखाका एसएसपी धिरजप्रताप सिंहले कालोमोसो दल्ने कार्यमा संलग्न अन्यको खोजी कार्य जारी रहेको बताए ।
प्रकाशित मिति: आइतबार, पुस २२, २०७५ १४:३७
प्रतिक्रिया दिनुहोस्