काठमाडौं । साहित्यकार कुमार नगरकोटीको नाटक ‘बाथ–टब’ शिल्पी थिएटरमा मञ्चन हुने भएको छ । नाटकलाई घिमिरे युवराजले निर्देशन गर्नेछन् । 

नाटकमा नीर शाह, हरिहर शर्मा, भूषिता वशिष्ठ लगायत कलाकार मञ्चमा देखिने छन् । निर्देशक घिमिरेका अनुसार शशरीर नदेखिए पनि टिका पहारी, ब्रजेश खनाल, मोमिला, कुमार नगरकोटी पनि नाटकमा पृष्ठभूमीमा रहेर काम गर्नेछन् । 

शिल्पीले यसअघि ५ वर्ष पहिला कुमार नगरकोटीको नाटक ‘कोमाः अ पोलिटिकल सेक्स’ मञ्चन गरेको थियो । ‘बाथ–टब’ नगरकोटीको दोस्रो नाटक हो । 

“पारम्परिक नाटक होइन । यो प्रयोगात्मक नाटक हो,” निर्देशक घिमिरेले भने, “कमेडि पनि भरपुर छ नाटकमा ।”

नाटक पुस २० गतेबाट एक महिना शिल्पी थिएटर बत्तिसपुतलीमा मञ्चन हुँदैछ ।