काठमाडौं । काठमाडौंं किंग्स ११ का केभिन ओ'ब्राइनले आइतबार बिराटनगर वारियर्सबिरूद्ध १८औं ओभरमा तीन छक्क हानिदिएपछि प्ले अफ पक्का गरेको चितवन टाइगर्सले बुधबार दोस्रो क्वालिफायरमा स्थान बनाउनका लागि भैरहवा ग्लाडियटर्सबिरूद्ध खेल्दैछ ।
गत बर्ष लिग चरणको पुछारमा रहेर प्रतियोगिताबाट बाहिरिएको चितवनले यसपटक राम्रो गर्ने भन्दै इङ्ल्यान्डबाट दुई र आयरल्यान्डबाट एक खेलाडी ल्याएर राम्रो गर्ने दाबी गरेको थियो । शुरूमा लगातार तीन खेल गुमाएपछि चितवनको प्ले अफ सम्भावना कम हुँदै गएको थियो । तर अन्तिम दुई खेलमा पुनरागमन गर्दै चितवनले प्ले अफको आश जगाएको थियो । अन्तिम दुई खेल जितेपछि बिराटनगर र काठमाडौं किंग्स ११बीचको नतिजा कुरेर बसेको थियो ।
सोमबार टस हारेर ब्याटिङका लागि निम्त्याएको बिराटनगरले १७.५ ओभरमा सबै विकेट गुमाएर १ सय रन बनायो । त्यसपछि बिराटनगरलाई प्रातियोगितामा टिकिरहन काठमाडौंलाई १८ ओभरसम्म रोक्नु पर्ने समिकरण बनेको थियो । अन्यथा रनरेटका आधरमा चितवनसंग पछि पर्दै प्रतियोगिताबाट बहिरिन्थ्यो । १ सय १ रनको लक्ष्य पछ्याएको काठमाडौंले १७ ओभरमा ५ विकेट गुमाएर ८८ रन बनाएको थियो । खेल सकिन ३ ओभर रहे पनि बिराटनगरका लागि एक ओभर गर या मरको अवस्था बन्यो । जसमा काठमाडौंका ओ'ब्राइन तगारो बनिदिए । पारसको बलमा आयरल्यान्डका ओ'ब्राइनले तीन छक्का हानिदिए पछि चितवनको भाग्य चम्किएको हो ।
हारसंगै गत बर्षको बिजेता प्रतियोगिताबाट बाहिरिसकेको छ । पछिल्लो समय लय समाएको चितवनले बुधबार भैरहवालाई हराइदियो भने साबिक उप बिजेता पनि प्रतियोगिताबाट बहिरिनेछ । भैरहवाले लिग चरणका पाँचमध्ये ३ मा जित र दुईमा पराजय भोगेको थियो । भैरहवाका रबि इन्दर सिंह प्रतियोगितामा अहिलेसम्म सबैभन्दा धेरै रन बनाउने ब्याट्सम्यान हुन भने चितवनका ललितसिंह भन्डारीले सबैभन्दा धेरै विकेट लिएका छन् । चितवनका दिपेन्द्रसिंह एरि र पाउल स्टर्लिङ्ले पनि ब्याटिङमा राम्रो गरिरहेका छन् ।
तर भैरहवाका कप्तान शरद भेषावकरले घरेलु प्रतियोगितामा आफुलाई प्रामाणित गरिसकेका छन् । ट्वान्टी-२० फ्रेन्चाइज लिगका चार फाइनलमध्ये तीनमा शरदले फाइनलको यात्रा तय गरेका छन् । गत बर्षको धनगढी प्रीमियर लिगमा उनी सहभागी भएनन् । पछिल्लो पटक पोखरा प्रीमियर लिगम शरद बिजयी भएका थिए । शरदलाई रोक्नु भग्यमानी चितवनका लागि सहज हुनेछैन ।
हुन त बिगतको नजिताले इपिलमा अर्थ नराख्न सक्छ । जसको ज्वलन्त उदाहरण हुन्, पारस खड्का । प्राय प्रतियोगिताको उपाधि जित्दै आएका पारसको यात्रा लिग चरणमै पुर्णबिराम लागेको छ । त्यसैले लय समात्दै आएको चितवनबिरूद्धको खेल शरदका लागी पनि कडा चुनौती हुनेछ । हुन त लिग चरणमा भैरहवाले चितवनमाथी १२ रनको बिजय हासिल गरेको थियो । त्यसैले भैरहवाको मनोबल उच्च हुनसक्छ । तर धेरै आत्मबिश्वासी बन्नु भैरहवाका लागि आत्मघाती बन्न पनी बन्नसक्छ, बिराटनगरलाई जस्तै ।