एजेन्सी । इजिप्टको राजधानी काइरोको दक्षिणतर्फ एउटा ४ हजार वर्ष भन्दा  पुरानो चिहान फेला पारिएको पुरातात्विक मन्त्रालयले जनाएको छ । यसरी यत्तिका वर्ष पुरानो भएपनि चिहानभित्रका चित्रकलाहरु अत्यन्तै संरक्षित अवस्थामा भेटिएका हुन् । निर्देशक सेबरी फरागका अनुसार सो चिहान १० मिटर लामो र तीन मिटर चौडा छ भने मुनिपट्टी पनि प्रशस्तै ठाउँ रहेको छ । 

यसरी ‘सक्कारा’ पुरातात्विक स्थलमा फेला परेको सो चिहान ४,४०० वर्ष पहिले शाषन गर्ने फारोको पाचौँ वंशको भएको पुरातात्विक मन्त्री खलिद अल अनानीको भनाइ छ । उनका अनुसार राजदरबारमा शुद्धिकरण गर्ने ‘ह्वाटे’ नामक शाही पुजारीले त्यसको ख्याल राख्ने गरेका थिए । चिहानमा रहेका शिलालेखहरुले पनि नेफेर इर का रे नामक राजाको पालामा ती पूजारी एक पवित्र नाउँका निरीक्षक रहेको संकेत गरेको बताइएको छ ।  

यसरी चिहानका पर्खालहरुमा विभिन्न रङले सजाइएका चित्रहरुमा ह्क्वाटे, तिनकी आमा, पत्नी र परिवारका आकृति रहेका छन् । त्यसबाहेकका अन्य चित्रहरुमा चाहिँ वाइन, सांगितिक प्रस्तुती, नाउँ चलाइरहेको, शिकार खेलिरहेको र दाहसंसकारका लागि फर्निचर निर्माण गरिरहेको देख्न सकिने उत्खनन मिसनका प्रमुख मोस्तफा वाजिरीले बताएका हुन् । वाजिरी र उनको टोली सो चिहानसम्म गत नभेम्बरमै पुगिसकेपनि त्यसको ढोका बन्द भएकाले प्रवेश गर्न समय लागेको हो । चिहानभित्रका अन्य ५० ठाउँमा पनि रङ्गीन मूर्तिहरु ढुङ्गामा कोरिएका छन् । गत नोभेम्बरमा पनि पुरातात्विक विभागले बिरालो र किराहरुको सामुहिक चिहान परम्परागत ममीका रुपमा फेला पारेको थियो । सिएनएन