काठमाडौं । विद्यार्थीलाई पढाईमा केन्द्रीत गर्न र समृद्धिको सम्भावना बढाउन समयसापेक्ष पाठ्यक्रमको आवश्यकता रहेको विज्ञहरुले बताएका छन् । विज्ञहरुले आवश्यकतामा आधारित पाठ्यक्रम नहुँदा समृद्धिको संभावना निरन्तर कमजोर बन्दै गएको र यसले नेपाली विद्यार्थीलाई विदेशिने क्रम बढाएको टिप्पणी गरेका छन् ।
राजधानीमा आयोजित दुई दिने शिक्षा अधिकारका लागि राष्ट्रिय नागरिक सम्मेलन कार्यक्रममा सहभागी विज्ञहरुले पाठ्यक्रम र गुणस्तरीय शिक्षा प्रवद्र्धनका विविध आयाममा छलफल गरेका हुन् । कार्यक्रममा कार्यपत्र प्रस्तुत गर्दै शिक्षा विज्ञ नवीन ढुंगानाले समय सान्दर्भिक पाठ्यक्रमको अभावमा हजारौं विद्यार्थी विदेशिनु परेको तथ्य प्रस्तुत गरेका थिए । 
“विदेशबाट जति नै रेमिटेन्स भित्रिए पनि त्यसको दोब्बर रकम नेपाली विद्यार्थी मार्फत विदेश जान्छ ।” शिक्षा विज्ञ ढुंगानाले चिन्ता व्यक्त गरे, “तर, यसबारे सरकारले कुनै पनि अध्ययन गर्न सकेको छैन । जुन दुःखद पक्ष हो ।”
समृद्धिको संभावना, रोजगारीको सिर्जना लगायतका पक्षमा पाठ्यक्रमको संरचनाले खेल्ने भूमिकाका बारेमा समेत कार्यक्रमका सहभागीहरुले छलफल गरेका थिए ।  लू निभाः बाल सरोकार समूहले आयोजना गरेको सम्मेलनमा शिक्षाका विभिन्न विषयका ६ वटा कार्यपत्र प्रस्तुत हुने आयोजकले जानकारी दिए ।