काठमाडौं । प्रदेश नम्बर ३ का मुख्यमन्त्री डोरमणि पौडेलले प्रदेश राजधानी हेटौंडाबाट अन्यत्र नसर्ने दाबी गरेका छन् । कार्यालय व्यवस्थापन लगायत पूर्वाधार विकासको कार्य भईसकेकोले हेटौंडाबाट अन्यत्र राजधानी सार्न नमिल्ने मुख्यमन्त्री पौडेलको तर्क छ । पुस महिना भित्रै प्रदेश नामाकरणको टुङ्गो लगाउने बताउँदैं उनले कानुन र कर्मचारी अभावका कारण जनताको अपेक्षा अनुसारका कार्यहरु प्रदेश सरकारले गर्न नसकेको स्पष्ट पारे ।
बुधबार काठमाडौंमा आयोजित साक्षात्कार कार्यक्रममा बोल्दै मुख्यमन्त्री पौडेलले साझा सूचीका कानुन छिटो भन्दा छिटो निर्माण गरिदिन संघीय सरकारसँग माग समेत गररेका छन् । अन्तर प्रदेश परिषद्को बैठकले प्रदेश र केन्द्र सरकारबीचमा देखिएको समस्या समाधान गरेको उनले बताए ।