काठमाडौं । चलचित्र ‘चौका दाउ’को ट्रेलर रिलिज गरिएको छ । ट्रेलरमा चार ‘जुवाडे’ रबीन्द्र झा, विल्सन बिक्रम राई, तैयब शाह र सन्तोष पन्तलाई वर्षा राउतको पछि लागेको रोचक दृष्य देखाइएको छ ।
आगामी २७ पुसमा रिलिज हुने चलचित्र ‘चौका दाउ’का परिकल्पनाकार शम्भुजित बासकोटा हुन् । चलचित्रमा कथा, संगीत र गायन पनि बासकोटाकै रहेको छ ।
मनोज राजभण्डारी र सौर्यजीत बासकोटाले निर्माण गरेको ‘चौका दाउ’लाई पूर्णेन्दू झाले निर्देशन गरेका हुन् । यस अघि उनले राजनीतिक चलचित्र ‘संरक्षण’ निर्देशन गरेका थिए ।
‘चौका दाउ’मा विल्सन विक्रम राई, वर्षा राउत, रविन्द्र झा, अजश्र ढुँगाना, सन्तोष पन्त, तैयव शाह, निर्मल शर्मा, सोनिका केसी, सुनिता श्रेष्ठ ठाकुरलगायतको अभिनय छ ।