काठमाडौं । नेपाली कथानक चलचित्र ‘गोपी’को पोस्टर रिलिज गरिएको छ । दीपेन्द्र लामाको कथा तथा निर्देशन रहेको चलचित्रको आज पोस्टर रिलिज गरिएको हो । 

पोस्टरमा चलचित्रका अभिनेता विपिन कार्की र नायिका द्वय वर्षा राउत तथा सुरक्षा पन्त फिर्चड छन् । पोस्टरमा उनको पेशा झल्किने गरी गाई र दूधको क्यानलाई प्राथमिकता दिइएको छ ।

चलचित्र माघ १८ गते रिलिज हुँदैछ । 

एमए पढेर पनि गाईपालनमा होमिएका एक युवकको संघर्षकथा चलचित्रमा समेटिएको छ । आरोही इन्टरटेनमेन्टको ब्यानरमा बनेको चलचित्रमा पटकथा सामिप्यराज तिमल्सिनाले लेखेका छन् ।

चलचित्रमा प्रकाश घिमिरे, रमेश अधिकारी, अंकित खड्का, भोला सापकोटा, कमलमणि नेपाल, कुन्ती सिमाली, हिउँबाला गौतम, सरोज अर्याल, केशव राई लगायतले पनि अभिनय गरेका छन् ।