देश
काठमाडौं । काठमाडौं महानगरपालिका–२६ नयाँ बसपार्कस्थित आकासे पुल नजिकबाट संरक्षित वन्यजन्तु पाटे बाघको छालासहित दुई जना पक्राउ परेका छन् । पक्राउ पर्नेमा जोरपाटी बस्ने सिन्धुली दुधौली नगरपालिका–५ का २२ वर्षीय तेज अधिकारी र दोलखा झ्याकु गौरीशंकर गाउँपालिका–४ का ३४ वर्षीय बिक्रम तामाङ रहेका छन् ।
उनीहरुको साथबाट एक थान पाटे बाघको छाला बरामद भएको छ । महानगरीय प्रहरी प्रभाग गोंगबुबाट खटिएको प्रहरी टोलीले अधिकारीको झोलाबाट उक्त छाला बरामद गरी उनीहरूलाई नियन्त्रणमा लिएको हो ।
प्रकाशित मिति: मंगलबार, मंसिर २५, २०७५ १३:०९
प्रतिक्रिया दिनुहोस्